Santnè nesans Jak Woumen
nan Santo
Domingo
Mèkredi
11 jiye ak jedi 12 jiye 2007, Seketarya Deta Lakilti dominiken avèk Fundacíon
Global Democracia y Desarrollo (FUNGLODE)
ap komemore santnè anivèsè nesans gran ekriven ayisyen Jak Woumen (Jacques Roumain) nan kapital-la, Santo Domingo.
Pwogram
mèkredi 11 jiye ap konmanse a 4-è apremidi nan oditoryòm Manuel del Cabral,
Inivèsite Otonòm Santo Domingo, avèk fim « Cumbite » (Konbit) youn adaptasyon
woman Jak Woumen an : Gouverneurs de
la rosée. Se reyalizasyon sineyas kiben Tomás
Gutiérrez Alea.
A
7-è diswa, nan oditoryòm FUNGLODE, se
dokimantè sou « Lavi avèk zèv Jak Woumen » reyalizasyon sineyas
ayisyen Arnold Antonin y’ap pase.
Apre, se va youn konferans, Pwofesè Léon-François
Hoffmann : « Valè zèv Jak Woumen ».
Jedi
12 jiye, a 4-è apremidi, nan oditoryòm Manuel
del Cabral, ap ganyen youn chita (table
ronde) pou diskite sou woman, pwezi, ese ak dimansyon politik Jak Woumen.
Plizyè ekriven ap patisipe nan diskisyon-an kankou : Andrés L. Mateo, Bonel Auguste, Claude Roumain, Dieudonné
Fardin, Jean Euphèle Milcé, Maximilien Laroche.
Pita,
a 7-è diswa, nan oditoryòm FUNGLODE-a,
se va youn prezantasyon liv Gobernadores del Rocío Jacques Roumain-an. Prezidan dominiken Leonel Fernández avèk Prezidan ayisyen René
Préval ap la.
Koukouy Maks Maniga ap prepare youn repòtaj pou Tigout pa Tigout.
M.M.
=============================================================
AN N’EDE BATI
LEGLIZ NOTRE DAME D’HAITI
Lè youn kominote met tèt ansanm pou yo mete enstitisyon kanpe pou leve nivo kominote-yo se bèl bagay. Kominote ayisyen-an nan zòn Little Ayiti-a, se zòn daprè etid ki fèt yo klase ki pi ba ekonikman. Mounn yo toujou nan lwaye tèt nèg, pa gen travay , mounn ki jwenn ti travay yo se salè minimòm y’ap fè. Majorte mounn k’ap travay yo pa gen benefis tankou asirans sante; kidonk depi y’al ka doktè osnon lopital, depi pitit yo malad se youn vounm lajan yo peye doktè. Men al legliz, lapriyè granmèt la; al nan pye manman Notre-Dame se nan legliz y’ale ki penmèt yo pran kouraj, pa dekouraje epi jwenn fòs espirityèl pou goumen ak lavi-a.
Enben malgre yo raze, yo fè sa yo kapab pou kole ti dola ansanm pou ede bati legliz la. Youn nesesite paske si an 1980 Notre-Dame lontan te konn resevwa 300 mounn jodi-a li plis pase 3.000 fidèl. Se nan lakou, anba flanm solèy osnon lapli y’ap fè seremoni. Youn nesesite paske Little Haiti ap devlope, si nou pa mete youn seri enstitisyon djanm anplas pou n’kenbe idantite nou, se nan liv n’a li nou te gen youn zòn ki te rele Little Haiti. S’oun nesesite pou idantite nou. S’oun nesesite pou kilti nou. S’oun nesesite pou respè nou paske depi politisyen bezwen bilten-vòt yo tout nan radyo ak television ayisyen yo.
Legliz la ap koute 2 milyon dola US. Acheveche-a di l’ap bay 1.milyon. Kominote-a dwe pote lòt milyon-an. Se sa nou rele patisipasyon sitwayen yo.. Nou mete sou pye depi 3 mwa youn òganizasyon ki rele Concerned Citizens to Build Notre-Dame d’Haiti Churc;. youn fason pou kominote-a gen youn kote pou li depoze sa li kapab.
Komite-a ap prepare youn fèt nan lakou Legliz
Notre-Dame nan ki nan kwen 2è av. ak 62 ri-a pou kontinye ak
pwojè-a. Tout mounn ki pa gen gwo mwayen ka patisipe nan jan pa yo. Nou bezwen:
Atis: Chantè, Dansè, Blagè, Mizisyen
Vandè: mounn ki gen pwodui yo
vle vann jou sa-a
Foto grafè: mounn ki vle
ekzpoze foto ak penti osnon nenpòt ki lòt pwodui
Dyaz ki vle pote kontribisyon
yo
Komèsan ki ta vle ede, nou
bezwen jwèt oubyen nenpòt ki kado yo ka bay pou nou fè tiraj lotri
Nou bezwen konkou radyo ak televizyon
pou yo fè anons lan pou nou
Nou bezwen volontè, anpil volontè . Sekirite, anpil sekirite
Mezanmi Bati legliz Notre-Dame
D’Haiti nan Little Haiti kit nou nan zòn, kit nou pa nan zòn nan se travay nou tout. Se youn devwa sivik. Se
youn devwa relijye. Men anpil chay pa lou.
Mèsi.
Jan Mapou
Trezorye
==============================================
SALOUWE M’AP SALOUWE
Ak: Max Manigat
Wè premye Pati atik <<Salouwe m’ap Salouwe>>
nan <<Haiti en Marche>> senmenn pase-a
Atik sa-a, se pa youn antoloji ekriven kreyòl ; se senpman youn
salitasyon Max manigat voye bay tout mounn k’ap kontribiye pou devlopman lanng
ak kilti kreyol-la. Se gen mounn ki bezwen plis dokimantasyon sou otè yo mwen refere yo
wè liv Emmanuel Vedrine-nan ki rele : AN ANNOTATED BIBLIOGRAPHY ON HAITIAN CREOLE: a review
of publications from colonial times to
2000
Marc Prou, doktè nan
edikasyon, pwofesè, direktè kou dete pou aprann kreyèl, otè Spoken
Haitian Creole for Intermediate Learners.
REKA (Rezo
Entènèt Kreyòlis Ayisyen) k ap feraye kinalaganach sou entènèt pou kreyòl la
layite kò l nan lemonn antye.
Carl-Henri Rey , powèt pou You cho
you dous.
Deslandes Rincher, leksikograf, librè, animatè pwogram
radyo.
Roger E. Savain, pwofesè kreyòl, otè Dis
pa nan kreyòl ayisyen an, New
Haitian Kreyòl-English Picture Dictionary, Kreyòl. La langue haïtienne en dix étapes, Tètansanm ; jounalis kwonikè nan jounal Haitian Times.
Jacqueline Scott, gran aktris teyat, powèt pou Loray kale.
Agwonòm François Séverin ki fè pèp ayisyen kado yon ja lajan : Plant
ak pyebwa tè d Ayiti.
Parick Sylvain, powèt pou Zansèt.
Yolande Thomas, manm Sosyete Koukouy, rèn chantrèl,
gran aktris teyat, kwonikè Antèn Koukouy.
Tontongi, jounalis pwogresis,
direktè jounal Tanbou.
Michel Rolph Trouillot otè Ti dife boule sou istwa
d’Ayiti.
Lyonel Trouillot, powèt pou Zanjnandlo.
Paul Tulsé, powèt,
pou Plon gaye.
Emmanuel Védrine, ekriven, pou Ti
istwa kreyòl. Short stories in
Haitian Creole, powèt, womansye, pou Sezon
sechrès Ayiti, edikatè, pou Yon koudèy sou pwoblèm lekòl Ayiti,
bibliyograf, pou kòkennchenn An Annotated
Bibliography of Haitian Creole, 700 paj.
Salouwe,
m ape salouwe :
Aleksann
Aakwo, powèt ; Marcel Alexis,
powèt, gitaris, chantè ; Jean-Bertrand Aristide, powèt, Defen René
Audain, gran aktè ; Annette Auguste, rèn chantrèl ; Myriam Augustin, rène chantrèl ; Suze
Baron, powèt ; Pierre Blain, aktè ; Jean Dorcély
Dédé, powèt ; Defen Wilson Désir, animatè pwogram radyo ; Boadiba, powèt ; Myriam
Dorismé, rèn chantrèl ; Brian C. Freeman, direktè piblikasyon Haitian-English Dictionary ; Carlo Jean, doktè nan lengwistik, Pauris Jean-Baptiste, womansye,
fòlkloris ; Rozevel Jean-Baptiste,
lenguis ; Mako Kénol, gran aktè
ak direktè teyat ; Konpè Filo, kwonikè nan radyo ; Konpè Plim, dramatij ; Jowèl Laguerre, leksikograf ; Renée Mirault, gran aktris ; Carrié Paultre, direktè revi,
womansye ; Defen René Philoctète, powèt ; Raymond Philoctète, otè yon antoloji
powèt ki ekri ni an franse ni an kreyòl ; Defen Alcibiade Poméro, espikè
radyo ; AlJean Refusé, bibliyotekè, Carlo Résil, powèt ; Clotaire
Saint-Natus, powèt ; Defen Zo
Salnave, animatè pwogram radyo ; Daniel Simidor, powèt ; Lenous Suprice, Nounous, powèt ; Marie-Jocelyne
Trouillot-Lévy, edikatris, leksikograf, tradiktè ; Albert Valdman, lengwis, pwofesè,
direktè Creole Institute, Indiana University, leksikograf ; Pierre Vernet, direktè Sant Lengwistik
Aplike, Inivèsite Leta Ayiti.
Salouwe, m’ape salouwe :
Tout aktè,
animatè pwogram radyo, chantè,
jounalis kwonikè, konpòz, mizisyen, rèn chantrèl, sanba, mwen bliye non yo.
Nou tout te fè.
Nou fè. N ap fè plis toujou.
_________
* Dènye chapit Patamouch, youn liv Max Manigat fèk fini e ki pral defounen
titalè konsa
*
=========================================================
