Gen yon gwo defansè lang kreyòl la ki mouri anndan peyi a, se Sony Bastien direktè radyo Kiskeya. Nan koutmen Sony pou avansman lang kreyòl la nan peyi a, tout moun dwe admèt, pi gwo zam Sony pou li defann lang kreyòl la se te sèvi avèk lang kreyòl la nan domèn kote moun te konn di li pa ka ale yo. Sony fè lang kreyòl la pale. Sony pa t konn pè pran inisyativ lè li santi nesesite a, se konsa Sony kite yon rado mo nèf nan lang nan : egzanp zenglendo.

Manm REKA yo ansanm ak tout lòt kreyolis mete yo ansanm pou yo rekonèt travay yon pitit gason peyi a, etan y'ap koube byen ba devan kadav li.

Antèman Sony Bastien se pou Lendi 9 jen 2008, a 9 vè dimaten, legliz Sakrekè. Nan dimanch swa ap gen yon veye nan lokal radyo a. Fanmi a ak zanmi kanmarad li yo mande pou moun pa voye kouwòn flè, men pou yo pito voye kado bay FHADIMAC ki chita nan nimewo 208 Lalue, Potoprens. Telefòn: 22-45-63-35; 22-45-61-47; Faks: 22-45-61-26

Tigout pa tigout >>
----------------------------

Michel-Ange Hyppolite

Kaptenn Koukourouj

Chak fwa youn save Ayisyen kanpe pou li di kreyòl gen limit, se pwòp tèt li, li ap di ki limite. Se pwòp enkonpetans li, li ap etale. Ou kab di mwen kouman sa? Ebyen nanpwen okenn lanng ki kab devlope tèt li pou kont kò li. Se mounn ki pale lanng lan ki pou devlope li. [+].

-----

ACHIV >>